Սեպտեմբերի 23-ին Երևանում վնասազերծված բանդայի գործով նախաքննությունը դեռևս շարունակվում է:
Երեկ «ՀԺ»-ն զրուցել է «Գառնի Սուրիկի լավաշ» ընկերության սեփականատիրոջ հետ:
-Պարոն Հակոբյան, ձեր կալանավորված որդիների ու կալանավորված հարսի գործով ի՞նչ նորություն կա: Քրեական գործերը դեռ ընթացքի մե՞ջ են:
-Հա, ոչ մի նորություն Էլ չկա: Բան չեմ հասցնում մենակովս անեմ: Հազիվ հասցնում եմ երեք տեղ հանձնուք տանեմ: Էս գործերը լրիվ խայտառակություն են, իսկական խայտառակություն: Արտուշին՝ ավագ որդուս, որը հիմա կալանավորված է, ասել են, թե՝ եթե ուզում ես կնոջդ ազատ արձակենք, մեղքը ընդունի, ընդունի, որ բանդան ղեկավարել ես ու արել էս էդ հարձակումները: Ասել են՝ հենց որ ընդունես մեղքդ, կնոջդ բաց կթողնենք: Բայց ո՞նց ընդունի: 10-15 տարի իրա վրա վերցնի, որ կնոջը թողնե՞ն: Իրա կնոջը սենց, թե նենց թողնելու են, որովհետև էս ամեն ինչը սարքած բան ա:
– Ձեր հարազատներին ազատ արձակելու համար ինչ-որ մեկը պահանջ դրե՞լ Է, որ ԲՀԿ-ից դուրս գաք:
-Հա: Կոնկրետ չեմ կարա ասեմ, թե ով ա, ինչ ա: Բայց ես իմ կուսակցությանը չեմ դավաճանել, ասել եմ՝ բռնեք տարեք իմ որդիներին:
– Ձեր հարսը դեռ Հայաստանո՞ւմ է: Նրա կալանավորումից հետո խոսակցություններ կային, որ նա ուր որ է կհանձնվի վրաց իրավապահներին:
-Չէ հա, ի՞նչ Վրաստան, Հայաստանում ա, «Աբովյան» ՔԿՀ- ում: Բայց սաղ սուտ ա, էս ամեն ինչը կուսակցական խաղեր են: Մեծ որդուս կալանքի երկու ամիսը լրացել էր, Էլի երկարացրին: Փոքր որդուս ժամկետն Էլ են երկարացրել: Էս քննիչն Էլ փոքր որդուս՝ Անդրանիկի գործը ուղարկել Է Արտաշատ: Այսինքն, մենք ապրում ենք Աբովյանում, ու գործը սկզբում հենց Աբովյանի ոստիկանությունում էր, բայց չգիտեմ, թե խի՝ հետո գործը ուղարկել են Արտաշատ: Էդ Ալիկ Աարգսյանի կերած բողկերն են, երևի քցել բռնել էր, որ Արտաշատում (դե, ինքը արտաշատցի ա) գործը իրա ուզածով կգնա: Բայց ի՞նչ: Ֆաշիստություն: Ֆաշիստները սենց բան չէին անի: Հիտլե-րը սենց բան չի արել, որ մի ընտանիքից սաղին տանի, ոնց որ ասում են՝ իրավունքազուրկ անի, կալանավորի: Տենց բան ո՞վ ա տեսել: Դա ահավոր բան ա: Թոռներս էլ ամեն օր հարցնում են, թե՝ պապի, ինչ եղավ, ես էլ ասում եմ, թե՝ այսօր կթողնեն, վաղը կթողնեն, մյուս օրը կթողնեն: Դե, երեխաներին ի՞նչ պղտորեմ: Չէ՞: Էս ամեն ինչը կուսակցական խաղեր են: Ես Գագիկ Ծառուկյանից չեմ հրաժարվելու, Բարգավաճ կուսակցության անդամ եմ մնալու: Սրանք էդ կուսակցության խաղերն են, մենք էլ Բարգավաճ կուսակցության անդամ ենք բոլորս, ողջ ընտանիքով:
-Ուզում եք ասել, որ ՀՀԿ-ի խաղե՞րն են, ձեր հարազատներին քրեական հետապնդման են ենթարկում, քանի որ դուք ԲՀԿ֊ի անդա՞մ եք:
-Ես չգիտեմ, բայց երևի տենց մի բան կա: Թե չէ ո՞վ կարար, իմ կուսակցական լինելով հանդերձ, իմ որդիներին, հարսիս բռներ, բանտարկեր: Ո՞վ կարող էր:
– Պարոն Հակոբյան, ուզում եք ասել, որ սա արվում է, որպեսզի դուք դու՞րս գաք ԲՀԿ-ից:
-Ես չգիտեմ, երևի տենց են մտածում: Բայց ես դուրս եկող չեմ, իմ որդիներն էլ դուրս եկող չեն, թոռներս էլ, հարսներս էլ, աղջիկներս էլ: Բոլորս այդ կուսակցության անդամ ենք»:
