Հունաստանի տնտեսությունը 2011 թ. երրորդ քառորդում, անցյալ տարվա նույն ժամանակաշրջանի հետ համեմատած, կրճատվել է 5.2%-ով: Այս մասին հաղորդում է France-Press գործակալությունը` վկայակոչելով տեղի վիճակագրական գերատեսչություններին:
Սպասվում է, որ ողջ տարում տնտեսական անկումը կկազմի 5.5 %: Այսպիսով, Հունաստանում ռեցեսիան շարունակվում է երրորդ տարին անընդմեջ: Երկրի ՀՆԱ-ն գնալով նվազում է՝ կապված պետբյուջեի կտրուկ կրճատմանը հանգեցրած դժվարությունների հետ:
2010-2011 թթ. Հունաստանին հաջողվեց խուսափել դեֆոլտից միայն Բրյուսելի ֆինանսական աջակցության շնորհիվ:
