ՆԱՏՕ-ի գլխավոր քարտուղար Անդրես Ֆոգ Ռասմուսենը կիրակի ընկել է հեծանիվից և կոտրել ձեռքը:
Ինչպես հայտնում է Reuters գործակալությունը, հղում կատարելով ՆԱՏՕ-ի պաշտոնական ներկայացուցիչ Օան Լունգեսկին, Ռասմուսենը հեծանիվ է վարել Բրյուսելի անտառներից մեկում և ճանապարհին ընկել է: Նա իրեն լավ է զգում, սակայն մի քանի օր աշխատանքի չի ներկայանալու:
Այս շաբաթ Ռասմուսենն այցելելու էր Լատվիա, Լիտվա և Էստոնիա, սակայն կիրակնօրյա միջադեպից հետո նրա այցը հետաձգվել է: Լունգեսկի խոսքերով, Ռասմուսենի գրասենյակը կփորձի այցը տեղափոխել ավելի ուշ: