Մայքլ Ջեքսոնի Dangerous (1992-1993) համաշխարհային շրջագայության համերգային տեսանյութից մոնտաժված և նախկինում չցուցադրված փաստագրական ֆիլմը աճուրդի է հանվել:
Ինչպես գրում է The Independent-ը, երկուժամանոց տեսաերիզը Fame Bureau աճուրդի տանը կվաճառվի 2011 թվականի նոյեմբերի 26-ին:
Dangerous շրջագայության հիման վրա ստեղծված ֆիլմը նկարահանվել է Ջեքսոնին պատկանող նկարահանող խմբի կողմից, այդ ժամանակվա լավագույն ժամանակից սարքավորումներով: Չնայած խմբի ջանքերին՝ Ջեքսոնը չի հավանել ստացված տեսանյութը, և այդ պատճառով տեսաերիզի հեռարձակումը չեղյալ էր հայտարարվել, իսկ նկարահանող խումբը՝ աշխատանքից հեռացվել:
Ֆիլմի միակ կրկնօրինակը հիմա գտնվում է ոչ թե ձայնագրման ընկերության կամ Ջեքսոնի ստեղծագործական գործունեությամբ զբաղվող մարդկանց մոտ, այլ մի բրազիալցու մոտ, որը փոփ-աստղի վարորդն էր: Վարորրդի խոսքերով՝ իր մատուցած ծառայությունների դիմաց Ջեքսոնը իրեն նվիրել է համերգային նկարահանման VHS կրկնօրինակը:
Վարոդը կրկնօրինակը պահել էր իր մոտ, իսկ վերջերս ֆիլմից ոչ մեծ հատված տեղադրել էր YouTube-ում: Սակայն հատվածի հայտնվելը դուր չի եկել Ջեքսոնի իրավաբաններին, որոնք երգչի մահից հետո զբաղվում են նրա հեղինակային իրավունքների պաշտպանությամբ և պահանջել են տեղանյութը ջնջել: Այնուամենայնիվ, օրենքը վարորդի կողմն է, և նրան թույլ է տրվել ֆիլմը առանց որևէ խոչընդոտների աճուրդի հանել, սակայն նրան արգելվել է այն կրկնօրինակել կամ տարածել:
Սպասվում է, որ հավաքածուների սիրահարները մեծ հետաքրքրություն կցուցաբերեն համերգային տեսաերիզի հանդեպ, և աճուրդի գինը բարձր կլինի: Պարբերականը նշում է, որ նախնական գինը կարող է հասնել 4.7 միլիոն եվրոյի:
Հիշեցնենք, որ Dangerous համերգային շրջագայությունը սկսվել է 1992 թվականին Մյունխենում և ավարտվել է 1993 թվականի նոյեմբերին Մեխիկոյում:
