Euronews-ի փոխանցմամբ՝ թուրքական ընդդիմությունն ու ԶԼՄ-ները երկրի իշխանություններին մեղադրել են Վանի նոր երկրաշարժից հետո անգործության մատնվելու մեջ։ Նրանք հարց են բարձրացնում, թե ով է պատասխանատու զոհերի համար։
Նրանք կարծում են, որ զոհերի թիվն ավելի քիչ կլիներ, եթե ձեռնարկվեին համապատասխան միջոցներ։ Վանի առաջին երկրաշարժից, որին զոհ գնաց ավելի քան 600 մարդ, 17 օր անց, չնայած փլուզման վտանգին, մարդկանց թույլատրեցին վերադառնալ իրենց տները։
Բացի այդ, թուրք իրավապահները ուժ են գործադրել Թուրքիայի կառավարությանը պահանջներ ներկայացրած և Վանի նահանգապետի հրաժարականը պահանջող անձանց դեմ։ Վերջիններս նաև պահանջում են իրենց տրամադրել վրաններ և այլ հումանիտար օգնություն։
Հիշեցնենք, որ վերջին տվյալներով՝ Վանի նոր երկրաշարժի զոհերի թիվը հասել է 40-ի։
