Ռուսաստանի ԱԳ նախարարության տեղեկատվության վարչությունը տեղեկացնում է, որ Ռուսաստանի ԱԳ նախարար Սերգեյ Լավրովը և Իրանի Իսլամական Հանրապետության Ազգային անվտանգության բարձրագույն խորհրդի քարտուղարի տեղակալ Ալի Բագերի-Կյանին նոյեմբերի 9-ին քննարկել են Իրանի միջուկային ծրագրի շուրջ ստեղծած իրավիճակը, այդ թվում՝ նաև ՄԱԳԱՏԷ-ի գլխավոր տնօրեին զեկույցը:
Ինչպես հայտնում է РИА Новости-ն, զրույցի ժամանակ կողմերը քննարկել են Մերձավոր Արևելքի և Հյուսիսային Աֆրիկայի հակամարտությունների առանցքային խնդիրները:
«Ռուսաստանը ընդգծել է, որ հավատարիմ է Մերձավոր Արևելքում և Հյուսիսային Աֆրիկայում խնդիրները խաղաղ ճանապարհով լուծելու և առանց արտաքին միջամտության երկխոսություն սկսելու դիրքորոշմանը»,- նշվում է փաստաթղթում:
