Թուրքական «Զաման» օրաթերթին տված հարցազրույցում ԵԱՀԿ գլխավոր քարտուղար Լամբերտո Զանիերը նշել է, որ Ղարաբաղյան հիմնախնդիրը պետք է կարգավորվի ոչ թե ԵԱՀԿ-ի կամ որևէ այլ կառույցի միջոցով, այլ կողմերի միջև ձեռք բերվելիք համաձայնությամբ:
«Ղարաբաղյան հիմնախնդիրը կարող է կարգավորվել միայն այն դեպքում, եթե կողմերն իրոք ցանկանան դա։ Ձիուն կարելի է մոտեցնել ջրին, սակայն ստիպել նրան խմել՝ ոչ»,- նշել է Զանիերը` հավելով, որ, չնայած Թուրքիան պաշտոնապես չի մասնակցում բանակցային գործընթացին, սակայն կարող է կարևոր դերակատարություն ունենալ հակամարտության կարգավորման գործում։
«Մենք չենք մոնոպոլացրել այդ հարցը։ Բնականաբար, Թուրքիան, որը երկու երկրների հարևանն է, կարող է աջակցել գործընթացին։ Թուրքիան կարող է կողմերի միջև երկխոսության ձևավորման համար պայմաններ ստեղծել»,- հայտարարել է ԵԱՀԿ գլխավոր քարտուղար Լամբերտո Զանիերը։
