Ընտրական տեղամասերը կբացվեն Ղրղզստանի ժամանակով առավոտյան 8:00-ին և կփակվեն 19:00-ին: Դեռևս հինգ օր առաջ բանակը, ոստիկանությունը և անվտագության աշխատակիցներն անցել են խիստ ռեժիմով ծառայության:
Քվեաթերթիկի մեջ նշված են 15 թեկնածուների ազգանուններըը, այդ թվում՝ նաև ‹‹բոլորին դեմ›› տողը:
«Ընտրությունների արդյունքները հայտնի կդառնան երկուշաբթի օրը, հոկտեմբերի 31-ին»,- հայտնում է BBC-ն:
Մի քանի թեկնածուներ հայտարարել են, որ, եթե ընտրություններն ընթանան խախտումներով, իրենք կբողոքեն ու կկազմակերպեն ցույցեր:
20-ամյա անկախության ընթացքում սա Ղրղզստանի վեցերորդ ընտրությունն է: Նախկին նախագահներ Ասկար Ակաևը և Կուրմանբեկ Բակիևը մասսայական ցույցերի միջոցով գահընկեց արվեցին և ստիպված եղան փախչել երկրից:
Ներկայիս նախագահ Ռոզա Օթունբաևան ընտրություններին չի մասնակցի: Նշենք, որ նա այս պաշտոնին է անցել 2010 թվականին Բակիևին գահընկեց անելուց հետո: