Ճապոնիայի վարչապետ Եսիխիմո Նոդան կհրաժարվի իր աշխատավարձի 30 տոկոսից, որպեսզի հասարակությունը ընկալի կառավարության հարկերի բարձրացման ծրագիրը,- հայտնում է RTT News-ը՝ հղում անելով NHK հեռուստաընկերությանը, իսկ կառավարության մյուս անդամների աշխատավարձերը կկարճատվեն 20 տոկոսով:
Պետական պաշտոնյաների աշխատավարձերի կրճատման մասին պաշտոնապես կհայտարարվի ուրբաթ` հոկտեմբերի 28-ին, ճապոնական խորհրդարանի երկու պալատների նիստի ժամանակ: Այդ ընթացքում կհրապարակվեն կառավարության նախագծերը մարտին Ճապոնիայում ավերիչ երկրաշարժի և ցունամիի հետևանքը վերացնելու և վերականգնողական աշխատանքները ֆինանսավորման համար:
Կառավարության ծրագիրը նախատեսում է հարկերի բարձրացում, որի արդյունքում 2011 թվականին երկրի բյուջեն կավելանա 11,2 տրիլիոն յենով (147 միլիարդ դոլար): Ստացված միջոցների մեծ մասը կուղղվի տարերային աղետի հետևանքները վերացնելուն:
Ներկայումս Ճապոնիայի վարչապետը ստանում է ամսական 2,22 միլիոն յեն աշխատավարձ (29 հազար դոլար), իսկ մյուս նախարարների աշխատավարձը կազմում է 1,62 միլիոն յեն (21 հազար դոլար):
