Այսօր Ազգային ժողովում կառավարության հետ հարցուպատասխանի ժամանակ ՀՅԴ խմբակցության պատգամավոր Լիլիթ Գալստյանի այն հարցին, թե «Երևան նախագծի» տնօրենը հասկացրեց, որ Երևանի կենտրոնում հին Երևանի վերականգնում չի լինելու, ապամոնտաժված ճարտարապետական հուշարձանները ոչնչացնում են, ու մինչ հին Երևանի համար տեղ ենք փնտրում, Երևանի կենտրոնը Շագրենի կաշու պես փոքրանում է՝ մշակույթի նախարար Հասմիկ Պողոսյանը պատասխանեց, թե հարցադրումները բազմաթիվ են:
«Ժամանակին գործընթացը իսկապես իրականացվել է որոշակի բացթողումներով և խնդիրներով, բայց 16 ապամոնտաժված հուշարձանների պահպանման պայմանագրերը կնքված են, և պահպանվում են: Դեռ հստակեցված չէ, բայց որոշում կա, որ հին Երևան թաղամասը լինելու է, և մոնտաժվելու են այնտեղ: Տեղը դեռ որոշված չէ: Էթնոգրաֆիկ հատվածը խիստ անհրաժեշտ է, և դրանում ոչ ոք կասկած չունի: Նոր քաղաքապետի և նոր ճարտարապետի կողմից խոստումը տրված է, եթե չկատարեն, հանրային քննարկման խնդիր կդարձնենք:
