International Business Machines (IBM) խոշորագույն ընկերության տնօրենների խորհուրդը հաստատել է Վիրջինի Ռոմետտիին`ավագ փոխնախագահի և առևտրով, շուկայագիտությամբ և ընկերության ռազմավարությամբ զբաղվող տնօրենի նշանակումը IBM ընկերության գլխավոր գործադիր տնօրենի ու նախագահի պաշտոնում:
Ինչպես հայտնում է BBC-ն, այս ընկերությունը ավելի քան 100 տարի առաջ նրա հիմնադրման պահից սկսած առաջին անգամ կգլխավորի կին: 54-ամյա Ռոմետտին իր պարտականությունների իրականացմանը կանցնի 2012 թվականի հունվարի 1-ից:
IBM-ի ներկայիս տնօրենը 60-ամյա Սեմ Պալմիզանոն է, որը 2002 թվականից է աշխատում որպես գործադիր տնօրեն: Նա կմնա ընկերության տնօրենների խորհրդի նախագահ:
Փորձագետները նշում են, որ Ռոմետտին ունի մեծ փորձ M&A գործարքների կազմակերպման և նոր շուկաներում վաճառքի ղեկավարման բնագավառում: IBM-ում աշխատել սկսել է 1981 թվականից որպես համակարգային ինժեներ: 1991 թվականից աշխատում է IBM խորհրդատվական խմբում:
2002 թվականին ընկերությունը նրա գլխավորությամբ գնել է PricewaterhouseCoopers Consulting 3,5 միլիարդ դոլարով:
Հիշեցնենք, որ յոթ տարիների ընթացքում Fortune ամսագիրը Ռոմետտին ընդգրկել էր բիզնեսի աշխարհումը հայտնի 50 ամենաազդեցիկ կանանց ցուցակում:
Սեպտեմբերին International Business Machines Corp-ը կապիտալիզացիայի բնագավառում առաջին անգամ առաջ անցավ Microsoft ընկերությունից:
IBM-ի շուկայական արժեքը ավելացավ 214 միլիարդ դոլարով, Microsoft-ինը կրճատվել է 231,2 միլիարդ դոլարով:
