Ադրբեջանական APA լրատվական գործակալության փոխանցմամբ՝ Ադրբեջանի՝ ՄԱԿ ԱԽ ժամանակավոր անդամ ընտրվելուց հետո Ադրբեջանի արտգործնախարար Էլմար Մամեդյարովը հայտարարել է, որ Ադրբեջանն ունի մի շարք հարցեր, որոնք կարող է բերել ՄԱԿ ԱԽ-ի օրակարգ.
«Այդ հարցերից մեկը միջազգային անվտանգությունն ու խաղաղությունն է։ Մյուս կարևոր հարցն աղքատ երկրներին ու շրջակա միջավայրին օգնելն է։ Որպես տնտեսապես զարգացած երկիր՝ մենք հասկանում ենք, որ պարտավոր ենք օգնել աղքատ երկրներին։
Ինչ վերաբերում է ՄԱԿ ԱԽ-ի օրակարգում Լեռնային Ղարաբաղի հիմնախնդրի ընդգրկելուն, ապա դա կախված է ոչ միայն մեր ցանկությունից ու կամքից, այլև հակամարտության մեջ ներգրավված բոլոր կողմերից»։
Մամեդյարովը նաև շնորհակալություն է հայտնել Ադրբեջանին աջակցած բոլոր երկրներին, այդ թվում՝ նաև նրա մրցակից Սլովենիային։
