«Կանադան մտադրված է օգնություն ցույց տալ Լիբիային՝ ժողովրդավարության ամրապնդման հարցում, և խստացնել պատժամիջոցներն ըննդեմ Սիրիայի»,- հայտարարել է Կանադայի արտաքին գործերի նախարար Ջոն Բերդը: Այս մասին հաղորդում է ИТАР-ТАСС-ը:
«Շատ կանադական ընկերություններ ցանկանում են մասնակցել Լիբիայի վերականգնման գործընթացին: Բացի դրանց, մենք ուզում ենք օգնել Լիբիային՝ զարգացնել ժողովրդավարությունը` կազմել սահմանադրությունը և անցկացնել ընտրությունները»,-ասել է Բերդը:
Ըստ նրա՝ Կանադան առաջին հերթին մտադիր է պաշտպանել կանանց իրավունքները Լիբիայում:
Ինչ վերաբերում է Սիրիայում առկա իրավիճակին, որտեղ շարունակվում են բախումները կառավարական ուժերի և ընդդիմության միջև, Կանադայի ԱԳ նախարարը հայտարարել է, որ իր երկիրը ԱՄՆ-ի, Մեծ Բրիտանիայի և մի շարք ուրիշ երկրների հետ արդեն կիրառել է կոշտ տնտեսական պատժամիջոցներ Դամասկոսի նկատմամբ և պատրաստվում է խստացնել դրանք մոտ ժամանակում:
