Ոստիկանությունից «Առաջին լրատվականին» տեղեկացրել են, որ հոկտեմբերի 20-ին` ժ. 01.50-ին, ոստիկանության ծառայողները Աբովյան փողոցի թիվ 3 շենքի մոտից ճանապարհային երթևեկության կանոնների խախտում կատարելու համար «ՎԱԶ-21010» մակնիշի ավտոմեքենայով բաժին են ներկայացրել վարորդին և 4 ուղևորներին:
Ոստիկանների պահանջով նրանցից մեկը ներկայացրել է մետաղյա կռփազենք, իսկ մյուսը`պոլիէթիլենային տոպրակով փաթեթավորված, 4.9 գ ընդհանուր կշռով կանաչավուն զանգված և հայտնել, որ զանգվածը «մարիխուանա» տեսակի թմրամիջոց է:
Նրա խոսքով`այն պատրաստել է հոկտեմբերի 19-ի երեկոյան «Էրեբունի» թանգարանին հարակից սարից հավաքված կանեփի բույսից և պահել իր անձնական օգտագործման համար:
Նշանակվել են դատատեխնիկական, դատաքիմիական և տոքսիկոքիմիական փորձաքննություններ:
Կատարվում է հետաքննություն:
