Ադրբեջանական ANS PRESS-ի փոխանցմամբ՝ Ֆրանսիայի նախագահ Նիկոլա Սարկոզին նամակ է հղել Ադրբեջանի նախագահ Իլհամ Ալիևին, որում իր խորին շնորհակալությունն է հայտնել Բաքվում արժանացած ջերմ ընդունելության համար։
Բացի այդ, նամակում Սարկոզին Ալիևին առաջարկել է ռազմավարական գործընկերություն հաստատել երկու երկրների միջև, ինչը կամրապնդի ինտենսիվ բնույթ կրող երկկողմանի հարաբերությունները։
Սարկոզին նաև նշել է, որ ուրախ կլինի Ալիևի հետագա ֆրանսիական այցի կապակցությամբ։
Հիշեցնենք, որ վերջերս Սարկոզիի կատարած ադրբեջանական այցից հետո ադրբեջանական ընդդիմադիր լրատվամիջոցները գրել էին, որ Սարկոզին ցուցադրաբար նվաստացրեց Ադրբեջանին՝ այնտեղ մնալով ընդամենը 2.5 ժամ, երբ Հայաստանում մնացել էր ավելի քան 1 օր։ Անգամ նշվում էր, որ Սարկոզին ամենակարճ ժամականակահատվածով Ադրբեջանում գտնված օտար առաջնորդն է։
Ի դեպ, երեկ էլ հայտնի դարձավ, որ Սարկոզին փորձեր է ձեռնարկում Թուրքիայի հետ հաշտվելու ուղղությամբ, որի հասցեին մի շարք քննադատություններ էր ուղղել Երևանից։
