Ճապոնացի գիտնական Հիրոցուգու Ուեսիման ապացուցել է, որ գարեջրի օգտագործումը ոչ մի կերպ չի ազդում միջին տարիքի տղամարդկանց մոտ այսպես կոչված «գարեջրային փորի» առաջացման վրա:
Ինչպես հաղորդում է MIGnews գործակալությունը, Ուեսիմայի ղեկավարությամբ գործող աշխատանքային խումբը 4 տարի (2005-2008) ուսումնասիրել է 40-70 տարեկան 1095 տղամարդու տվյալները: Նրանցից ընտրվել է միայն գարեջուր օգտագործող 166 մարդ, որոնց մեջքի միջին լայնությունը 85.3 սմ է: Պարզվել է, որ այլ ալկոհոլային խմիչքներ օգտագործող կամ ընդհանրապես ոգելից խմիչքներից հրաժարվող տղամարդկանց մոտ գոտու միջին հաստությունը եղել է 85.5 սմ, այսինքն 2 մմ-ով ավելի, քան գարեջրի սիրահարների մոտ:
Գիտնականներն եկել են այն եզրակացության, որ 50-60 տարեկան գարեջրի սիրահարների և «ոչ գարեջրային» խմբի մոտ փորի հաստության տարբերությունը մի քանի միլիմետր է: Մինչդեռ 40-50 և 70-ից բարձր տարիքային խմբի մոտ գարեջրի սիրահարների փորի հաստությունը 0.3-1.8 սմ-ով փոքր է:
Պրոֆեսորն եկել է այն եզրակցության, որ փորի հաստությունն ուղղակիորեն կապված չէ գարեջրի օգտագործման հետ: Դրա պատճառն ավելի շուտ նստակյաց կենսակերպն է և սխալ սնունդը:
