Անդրադառնալով ՀԱԿ-ի վերջին գործողություններին`
«Նոր ժամանակներ» կուսակցության նախագահ Արամ Կարապետյանն ասաց, որ ՀԱԿ-իշխանություններ երկխոսության արդյունքում ոչինչ չունեցանք: «Երկխոսությունը ոչիիչ չի տա, ու բոլոր խնդիրները, որ մնացել են Հայաստանի առաջ, մնացել են: Ցավոք, տնտեսական վիճակն աշխարհում ու Հայաստանում վատացել է»,- ասաց բանախոսը:
Ըստ նրա`Հայաստանում կոմունիստական միջոցներով` պրոպագանդայով ու ագիտացիայով ոչինչ չի փոխվի` հնարավոր չէ ասել` գնաճ կանգնի՛ր՝ այն կանգնի, գներ մի՛ բարձրացեք` չեն բարձրանա»,- ասաց նա:
Ինչ վերաբերում է ՀԱԿ վերջին ակցիաներին, նա ասաց, որ տպավորությունն այնպիսին է, որ ՀԱԿ-ը քայլ արեց` իր քայլերի տրամաբանության մեջ: «Կարծում եմ, որ հիմա երևի թե եկել է ժամանակը, որ նրանք ընտրեն`կա՛մ մոնղոլ-թաթարներ-տականքներին, կա՜մ որոշեն շարունակել բանակցել իշխանությունների հետ»,- հավելեց նա` նշելով, որ որպես քաղաքացի մասնակցել է հանրահավաքներին ու կմասնակցի: Ըստ նրա` ՀԱԿ ղեկավարը չի կարող այդքան տրիվիալ լինել: Լևոն Տեր-Պետրոսյանը չի առաջնորդվում ընտրազանգվածներով: «Շատ բազմաշերտ է նրա գործողությունների ծրագիրը, որովհետև կան մարդիկ, որոնք շատ լավ տեղեկացված են քաղաքական վայրիվերումներից»,- ասաց նա:
Ինչ վերաբերում է ընտրություններին, ապա, ըստ Ա.Կարապետյանի, ժողովուրդը սպասելիքներ, որ ընտրություններիով ինչ-որ բան կփոխվի, չունի, քանի որ կարծես ապատիայի մեջ է»,- ասաց բանախոսը:
Ըստ նրա` իշխանություններն ամեն ինչ կանեն խորհրդարանական ընտրությունները «պայմանավորված դարձնելու ու այնտեղ տեղերը նախապես բաշխելու» համար:
Եթե չստացվի, ապա, ըստ Կարապետյանի, հիմնական պայքարը կլինի նախագահական ընտրությունների համար: «Ցավեք, մեր քաղաքական դաշտը դեռ չի կարողանում ազատվել երեք նախագահների շրջապտույտից»,- ասաց նա:
