Այսուհետ հյուսիսաֆրիկյան երկրների քաղաքացիները Շենգենյան այցագիր կարող են ստանալ միայն մատնահետքեր թողնելուց հետո: Երկու տարվա ընթացքում նոր պահանջը կտարածվի Շենգենի մեջ մտնող բոլոր երկրների վրա: Այս մասին հաղորդվում է Եվրահանձնաժողովի կայքում:
Մատնահետքերը հավաքվում են նոր ինֆորմացիոն վիզային համակարգի` VIS-ի համար: Նոր համակարգը թույլ կտա արագացնել այցագրերի հայտերի մշակման գործընթացը: Բացի այդ, VIS համակարգի օգնությամբ հյուպատոսությունները կարող են արագ տեղեկություն ստանալ այն մասին, թե երբ և որտեղ է քաղաքացին նախորդ անգամ այցագիր ստացել:
Եվրամիության ներկայացուցիչների խոսքով` մատնահետքերը թույլ կտան նաև պայքարել «անձնագրերի վարձույթի» փորձի դեմ, որը հաճախ օգտագործում են ասիական երկրների քաղաքացիները: