Շանհայի համագործակցության կազմակերպությանն անդամակցող պետությունները կոչ են արել զենքից զերծ պահել տիեզերական տարածքը։ Սինգապուրում ընթացող «Շանգրի-Լա երկխոսություն» անվտանգության համաժողովում այս մասին հայտարարել է ՇՀԿ գլխավոր քարտուղար Նուրլան Երմեկբաևը։
Նա նաև նշել է, որ ՇՀԿ անդամ պետությունները միջազգային անվտանգության սպառնալիք են համարում հակահրթիռային պաշտպանության համընդհանուր համակարգի միակողմանի և անսահմանափակ ծավալումը։
ՇՀԿ-ին անդամակցում են Բելառուսը, Իրանը, Հնդկաստանը, Ղազախստանը, Ղրղզստանը, Չինաստանը, Պակիստանը, Ռուսաստանը, Տաջիկստանը և Ուզբեկստանը։ Հայաստանն այս կազմակերպության գործընկեր երկրներից է։
