Սլովակիայում ներկոալիցիոն խնդիրները լուրջ կասկածի տակ են դրել եվրագոտու ապագան և եվրոն փրկելու համար ծրագրերի կյանքի կոչումը: Կոալիցիայում չեն կարողանում համաձայնեցնել եվրոպական կայունացման հիմնադրամին ավելի մեծ իրավասություններ տալու հարցը: Այս մասին գրում է The Guardian-ը:
Նման որոշմանը դեմ է հանդես եկել Ազատության և համերաշխության կուսակցությունը: Նրա ղեկավարի կարծիքով` նոր պարտքերի կուտակումը հները փակելու համար համարվում է «ճանապարհ դեպի դժոխք»: Նա խոստացել է խափանել ընտրությունը խորհրդարանում:
Եվրագոտու օրենքներով` հիմնադրամի միջոցների մեծացման համար անհրաժեշտ է անդամ բոլոր երկրների համաձայնությունը: Սլովակիան այս պահին միակ երկիրն է, որ դեռևս չի տվել համաձայնություն: Նախատեսվում է, որ կայունացման հիմնադրամը 440 մլրդ եվրոյից կաճի մինչև 770 մլրդ եվրո: Սլովակիան պետք է վճարի դրա միայն մեկ տոկոսը:
