Իրանական զորքը հարվածների 89-րդ ալիքն է իրականացրել Մերձավոր Արևելքում ԱՄՆ-ի և Իսրայելի թիրախների ուղղությամբ: Այդ մասին հայտարարել է Իսլամական հեղափոխության պահապանների կորպուսը (ԻՀՊԿ)։
«Անցկացվել են Իրանի զինված ուժերի և դիմադրության ճակատների համակարգված, համատեղ և առանձին օպերատիվ գործողություններ «Ճշմարիտ խոստում 4» գործողության 89-րդ ալիքի ընթացքում՝ ավելի քան 100 ծանր հրթիռ և հարձակողական անօդաչու թռչող սարքեր, ինչպես նաև 200 ռեակտիվ արկ արձակելով օկուպացված տարածքների, ամերիկյան ու իսրայելական թիրախների ուղղությամբ», – ասվում է ԻՀՊԿ-ի հայտարարության մեջ, որը մեջբերում է Fars լրատվական գործակալությունը։
ԻՀՊԿ-ն նշել է, որ գրոհել է Էյլաթում, Թել Ավիվում, Բնեյ Բրաքում գտնվող ռազմական թիրախների և իսրայելական զորքերի կենտրոնացման վայրերի վրա, ինչպես նաև հարվածել է Բահրեյնում ամերիկացի զինվորականների պատսպարանին, որտեղ գտնվում էր 80 մարդ, Քուվեյթում Ալ Ուդեյրի ավիաբազային, որի հետևանքով ոչնչացվել է մեկ ուղղաթիռ, իսկ մյուսներին լուրջ վնաս է հասցվել։
Իսրայելն իր հերթին հայտնել է, որ երկրի կենտրոնական շրջաններում կան վիրավորներ։
