77-ամյա սթրիմեր Օլգա Ստրախովան, որը համացանցում հայտնի է որպես Օլգա տատիկ, հաղթել է NNYS միջազգային մրցանակի «Տարվա լավագույն խաղային պահ» անվանակարգում։ Այս մասին հայտնել է մրցանակաբաշխության մամուլի ծառայությունը X սոցիալական ցանցում։
Ստրախովան Counter-Strike 2 խաղի Dust II քարտեզում կարողացել է միայնակ հաղթել հինգ մրցակցի՝ հաջողությամբ ավարտելով ռաունդը։ Նշված խաղային պահը լայն արձագանք է ստացել։
Օլգա տատիկը շնորհակալություն է հայտնել իր երկրպագուներին աջակցության համար։
Դեկտեմբերի սկզբին Օլգա Ստրախովան հաղթել էր նաև Stream Legends Awards of the Year (SLAY 2025) մրցանակաբաշխության «Twitch Legend» անվանակարգում՝ միանալով արարողությանը տեսակապի միջոցով։
Օլգա Ստրախովան Twitch հարթակում հեռարձակումներ է իրականացնում 2021 թվականից՝ թոռան նվիրած սմարթֆոնից հետո։ Ավելի ուշ, նրա համար հավաքվել է նաև տնային համակարգիչ։ Ներկայումս սթրիմերն ունի ավելի քան 247 հազար բաժանորդ։ Նա նշում է, որ խաղերը օգնում են շեղվել առօրյա հոգսերից։ Ստրախովան չի բացահայտում բնակության վայրը, սակայն նշում է, որ գտնվում է Ռուսաստանի հարավում։ Counter-Strike 2-ից բացի՝ նա խաղում է նաև Minecraft, Atomic Heart, Diablo 2 և այլ խաղեր։
