Վրաստանում չորս մարդ Է զոհվել Ցկերե գյուղի շրջանում Քվեշեթի–Կոբի ճանապարհի շինարարության ժամանակ: Ճանապարհային դեպարտամենտի տվյալներով՝ գրունտի փլուզումը տեղի է ունեցել հենապատի կառուցման աշխատանքների ժամանակ:
«Փլուզված զանգվածի տակ են հայտնվել շինարարական ընկերության հինգ աշխատակից՝ Թուրքմենստանի և Չինաստանի քաղաքացիներ։ Հայտնաբերվել է 4 զոհի մարմին, մեկ մարդ տեղափոխվել է հիվանդանոց»,- ասված է գերատեսչության տարածած հայտարարության մեջ։
Շինարարական աշխատանքների ընթացքում անվտանգության կանոնակարգերի և չափորոշիչների պահպանման վերաբերյալ հետաքննություն է սկսվել։
Նշենք, որ Քվեշեթի–Կոբի՝ Արևելք-Արևմուտք ճանապարհը Վրաստանում երբև իրականացվող ամենամասշտաբային նախագծերից է։
