Աֆրիկայում ԱՄՆ ռազմաօդային ուժերի միացյալ հրամանատարության ղեկավար գեներալ Քարթեր Հեմը շաբաթ օրը հայտարարեց, որ Լիբիայում ՆԱՏՕ-ի ռազմական օպերիացիայի խնդիրը մեծամասամբ կատարվել է, և արդեն հաջորդ շաբաթ Հյուսիսատլանտյան դաշինքը կավարտի իր օպերացիան: Այս մասին հաղորդում է Assosaited Press-ը:
Հեմը նշել է, որ ՆԱՏՕ-ի ռազմական օպերացիայի ավարտին Լիբիայի Ազգային անցումային խորհրդի ուժերը պետք է ամուր պահեն երկրի հիմնական բնակելի տարածքները:
Հաջորդ շաբաթվա վերջին ամերիկյան զինվորականները Բրյուսելում կներկայացնեն ՆԱՏՕ-ի ղեկավարությանն իրենց գնահատականը՝ Լիբիայում տիրող իրավիճակի մասին:
Հիշեցնենք, որ երեքշաբթի օրը ռազմական բլոկի պաշտոնական ներկայացուցիչ Օանա Լունգեսկը հայտարարել էր, որ ՆԱՏՕ-ն մտադիր է Լիբիայում օպերացիան ավարտել ավելի շուտ:
Շաբաթ օրը Անցումային ազգային խորհուրդը հայտարարեց Լիբիայի նախկին առաջնորդ Մուամար Քադաֆիի հայրենի Սիրթ քաղաքի շրջապատման մասին, որը վերջին շաբաթների ընթացքում հսկում էին վերջինիս զինվորները: Ժամանակավոր կառավարման ուժերը հարձակում են կազմակերպում նաև Բենի Վալիդ քաղաքի վրա:
Նշենք նաև, որ ՆԱՏՕ-ի 28 անդամ-երկերներ նախորդ շաբաթ Բրյուսելում համաձայնության էին եկել Լիբիայում ռազմական օպերացիան երկարաձգել 3 ամսով՝ միչև 2011 թվականի դեկտեմբեր:
