Միջազգային հետազոտությունները ցույց են տվել, որ Coca-Cola ընկերությունը մինչև 2030 թվականը կարող է տարեկան մոտ 602 միլիոն կիլոգրամ պլաստիկ թափոն արտանետել օվկիանոսներ և ջրային ուղիներ։ Այս ծավալը բավարար է 18 միլիոն կետերի ստամոքսները լցնելու համար։
Oceana բնապահպանական կազմակերպության վերլուծությունը պարզել է, որ Coca-Cola-ն աշխարհում պլաստիկով ամենաշատ աղտոտող բրենդն է։ 2024 թվականի գիտական ուսումնասիրությունները հաստատում են, որ ընկերությունը գլխավորում է այս ցուցանիշը՝ առաջ անցնելով PepsiCo-ից, Nestlé-ից, Danone-ից և Altria-ից։
Հետազոտողները կանխատեսում են, որ մինչև 2030 թվականը Coca-Cola-ն տարեկան կարտադրի 4,13 միլիոն տոննա պլաստիկ, ինչը համարժեք է շուրջ 220 միլիարդ 0,5 լիտրանոց շշի։
Հետաքրքիր է, որ 2022 թվականին Coca-Cola-ն խոստացել էր մինչև 2030 թվականը կրճատել փաթեթավորումը, սակայն 2024 թվականի դեկտեմբերին այդ խոստումը գաղտնի հանվել է ընկերության կայունության ծրագրից։
Oceana-ի փորձագետները առաջարկում են պարզ լուծում՝ վերադառնալ բազմակի օգտագործման փաթեթավորմանը, օրինակ՝ ապակե շշերի, որոնք կարելի է օգտագործել մինչև 50 անգամ, կամ ավելի դիմացկուն պլաստիկ տարաների, որոնք հնարավոր է օգտագործել 25 անգամ։
Վերլուծության հեղինակ Մեթ Լիթլջոնի կարծիքով՝ Coca-Cola-ն, որպես աշխարհի խոշորագույն խմիչք արտադրող ընկերություն, կարևոր դեր ունի շրջակա միջավայրի աղտոտման գործում։
