«Հայաստանի Սահմանադրության մեջ անհրաժեշտ փոփոխությունները պետք է արվեն, մենք սպասում ենք դրան»,- հայտարարել է Ադրբեջանի արտգործնախարար Ջեյհուն Բայրամովը։ Նրա խոսքով՝ այս հարցի շուրջ իր պահանջները Բաքուն դեռ երկու տարի առաջ է ներկայացրել. «Խաղաղության շուրջ բանակցություններին զուգահեռ մենք շարունակաբար փոխանցել ենք այս ուղերձը Հայաստանին և անգամ 2023 թվականի մայիսին ներկայացրել՝ դրա հետ կապված բոլոր փաստարկներով և Հայաստանի Սահմանադրության և այլ նորմատիվ ակտերի դրույթներով, որոնք թիրախավորում են Ադրբեջանի տարածքային ամբողջականությունը»:
«Առաջին լրատվական»-ը զրուցել է քաղաքական վերլուծաբան Հակոբ Բադալյանի հետ։
