ՆԱՏՕ-ն չի պատրաստվում միջամտել Սիրիայում տիրող իրավիճակին: Այս մասին, ինչպես գրում է РИА Новости-ն, հայտարարել է ՆԱՏՕ-ի գլխավոր քարտուղար Անդերս Ֆոգ Ռասմուսենը: Նրա խոսքով` Լիբիայում ՆԱՏՕ-ն իրականացնում էր իր վրա դրված պատասխանատվությունը «Միավորված պաշտպաններ» գործողության համար:
«Դրա համար կար ՄԱԿ-ի հստակ մանդատ և տարածաշրջանի վճռական աջակցությունը: Այդ պայմաններից ոչ մեկը չկա Սիրիայի կամ ցանկացած այլ երկրի դեպքում»,- ասել է ՆԱՏՕ-ի գլխավոր քարտուղարը:
Սիրիայում հակակառավարական ցույցերը սկսվել են մարտի կեսերին՝ Դարաա քաղաքում, այնուհետև տարածվել երկրով մեկ: ՄԱԿ-ի տվյալներով, մինչ այժմ ընդդիմադիրների և կառավարական ուժերի միջև տեղի ունեցած բախումներում զոհվել է 2600 մարդ: Ընդդիմությունը պահանջում է նախագահ Բաշար Ալ-Ասադի հրաժարականը:
