«Բրիտանիկա» հանրագիտարանի հրատարակիչները թողարկելու են հավելված iPad պլանշետային համակարգիչների համար: Այս մասին հաղորդում է All Things Digital բլոգը` տեղեկացնելով, որ թողարկումը նախատեսված է մինչև հոկտեմբերի վերջը:
AppStor խանութից հնարավոր կլինի ներբեռնել այդ հավելվածը լիովին անվճար, սակայն հասանելի կլինեն «Բրիտանիկայի» ոչ բոլոր հոդվածները: Հանրագիտարանի ամբողջական տարբերակը պարունակում է 140 հազար հոդված, այն հասանելի կլինի ամսական ընդամենը 2 դոլարի դիմաց: Համեմատության համար նշվում է, որ «Բրիտանիկայի» համացանցային տարբերակն ունի 3.7 միլիոն հոդված: Հայտնի է նաև, որ համացանցում ամենամյա վճարը կազմում է 70 դոլար, DVD տարբերակը` 60 դոլար, իսկ «Բրիտանիկայի» 32 հատորանոց տպագիր տարբերակը` 1800 դոլար:
