Լիտվան պետք է շարունակի քրեական այն գործի հետաքննությունը, որը վերաբերում է մարդու իրավունքների խախտման դեպքերին ԱՄՆ կենտրոնական հետախուզական վարչության գաղտնի բանտերում, որոնք գործել են բալթյան այդ հանրապետության տարածքում: Այս մասին հաղորդւմ է Reuters գործակալությանը` հղում անելով Amnesty International միջազգային իրավապաշտպան կազմակերպության հայտարարությանը:
«Ազատ հասանելի է անհրաժեշտ տեղեկատվություն քննությունը շարունակելու համար»,- ասել է այդ կազմակերպության փորձագետ, Եվրոպայում ահաբեկչության դեմ պայքարի և մարդու իրավունքների հարցերով պատասխանատու Ջուլիա Հոլը: Բացի այդ, Amnesty International-ը պահանջել է հետաքննել 2004 և 2005 թթ. Լիտվայի տարածքով բանտարկյալներին տեղափոխելու հարցը:
Հիշեցնենք, որ 2002-2006 թթ. ԱՄՆ ԿՀՎ-ն Եվրոպայի տարածքում ստեղծել է ապօրինի բանտեր, որտեղ պահվել են Աֆղանստանում և Իրաքում պատերազմի ժամանակ ձերբակալված ահաբեկիչները: Լիտվան այս տարվա հունվարին փակել էր այդ գործի քննությունը` պատճառաբանելով, թե վաղեմության ժամկետն անցնել է: