Գերմանիայի արտգործնախարար Անալենա Բերբոքն առաջարկել է Եվրամիությունում սահմանել 10 ցենտ գումարային հավաք iPhone սմարթֆոններում իրականացվող յուրաքանչյուր ծրագրային թարմացման համար։ Մամուլի ասուլիսի ժամանակ նա ասել է, որ այս նախաձեռնությունը կարող է դառնալ պատասխան ԱՄՆ նախագահի՝ Դոնալդ Թրամփի կողմից սահմանված նոր մաքսատուրքերին։
«Եթե մյուսները՝ ինչպես այսօր, խոսում են 25 տոկոսի չափով մաքսատուրքի մասին, ապա մենք կարող ենք խոսել մեր ողջ գործիքակազմի կիրառման մասին։ Ի՞նչ հաճախականությամբ ենք թարմացնում մեր iPhone-ը։ Այսպիսով՝ յուրաքանչյուր թարմացման համար 10 ցենտը կարող էր զգալի գումար բերել Եվրոպայի համար», — հայտարարել է Բերբոկը։
Մարտի 27-ին ԱՄՆ նախագահ Դոնալդ Թրամփը հայտարարել էր, որ ապրիլի 3-ից ԱՄՆ-ում ուժի մեջ կմտնեն 25 տոկոս մաքսատուրքեր բոլոր այն ավտոմեքենաների համար, որոնք արտադրվել են ԱՄՆ-ի սահմաններից դուրս։ Նաև նշվել է, որ հնարավոր է շուտով ընդլայնվի ավտոպահեստամասերի ցանկը, որոնք ևս կներառվեն նոր մաքսային քաղաքականության մեջ։
