Ֆինլանդիայի իշխանությունները ձերբակալել են Eagle S նավթային տանկերը, որը Պետերբուրգից ճանապարհվում էր Եգիպտոս՝ Կուկի կղզիների դրոշով: Հավանական է, որ այն կապ ունի Ֆինլանդիան և Էստոնիան միացնող Estlink 2 ստորջրյա էլեկտրական կաբելին վնաս հասցնելու հետ: Նշվում է, որ վնասվել են նաև այլ հեռահաղորդակցության կաբելներ, որոնք անցնում են Բալթիկ ծովի հատակով:
Ֆիննական ոստիկանությունը հետաքնում է, թե արդյոք այս օտարերկրյա նավը մեղավոր է Estlink 2 էլեկտրական կաբելի վնասման մեջ: Վնասվածքի մասին տեղեկություն ստացվել է դեկտեմբերի 25-ին: Estlink 2-ը մի քանի ամենահզոր կաբելներից մեկն է՝ դրա հզորությունը 650 մեգավատ է, երբդեռ Estlink 1-ը՝ 350 մեգավատ: Կաբելի մեծ մասը՝ ավելի քան 145 կմ-ը, անցնում է Բալթիկ ծովի հատակով:
Վնասվածքի ճշգրիտ տեղը դեռևս որոնվում է: Ֆիննական Fingrid օպերատորի ներկայացուցիչ Արտո Պահկինը առավոտյան հայտարարել է, որ վնասված հատվածը գտնվում է Ֆինլանդիայի տարածքում, ուստի վերանորոգման համար պատասխանատու է Fingrid-ը: Նա նաև նշել է, որ վերանորոգումը կարող է տևել մինչև յոթ ամիս:
