Ընտրություններին ընդառաջ սկսվում են քաղաքական քննարկումները՝ համամասնակա՞ն, թե՞ մեծամասնական ընտրակարգով դրանց անցկացնումն է ավելի արդյունավետ:
Այս հարցով դիմեցինք «Ընտրությունը քոնն է» դիտորդական կազմակերպությանը: Կազմակերպության ծրագրերի համակարգող Աննա Մարիկովան նշեց, որ ռեալն այն է, որ ընտրությունները անցկացվեն նորմալ համամասնական ընտրակարգով, որ պատգամավորները ընտրվեն՝ ներկայացնելով իրենց կուսակցությունը: «Ի վերջո, մեծամասնականը ձևական բնույթ է կրում, որովհետև այդ մարդիկ, այսպես թե այնպես, հարում են այս կամ այն կուսակցությանը: Այնպես որ, ռեալը այն է, որ կուսակցությունները ունենան իրենց նորմալ ներկայացուցիչները տեղում, ապահովվեն համեմատաբար հավասար պայմաններ, և՛ իշխանական, և՛ ընդդիմադիր կուսակցությունների համար, ինչը արվում է ամբողջ աշխարհում»,- նշեց Աննա Մարիկովան:
Հարցին՝ առաջիկա խորհրդարանական ընտրություններում մեզանում, այնուամենայնիվ, ո՞ր տարբերակը կգործի, նա պատասխանեց. «Բնականաբար՝ համամասնական տարբերակը: Ի վերջո, այդ մեծամասնական տարբերակները ձևական բնույթ կրողներ են: Դրանք պարզապես ֆինանսական ծախսերը ապահովողներ են»:
