Վաշինգտոնում տեղի ունեցող Թուրքիա-ԱՄՆ ամենամյա համաժողովին պատվիրակությունները քննարկել են երկկողմ հարաբերությունների վերաբերող բազմաթիվ հարցեր:
Թուրքիայի պաշտպանության նախարար Վեժդի Քյոնուլը հայտարարել է, որ ԱՄՆ Կոնգրեսի արտաքին հարաբերությունների հանձնաժողովի կողմից ընդունված Հայոց ցեղասպանության վերաբերյալ բանաձեւը լարվածություն է առաջացրել ԱՄՆ եւ Թուրքիայի միջեւ: Նա հայտնել է, որ ԱՄՆ եւ Թուրքիան շարունակում են դաշնակիցներ մնալ: Նույնի մասին ասել է նաեւ ԱՄՆ պաշտպանության նախարար Ռոբերտ Գեյթսը. «Չնայախ որոշ հարցերում մենք տարբեր դիրքորոշումներ ունենք, սակայն մենք շարունակում ենք դաշնակիցներ մնալ: Տարածաշրջանում մենք ունենք ֆունդամենտալ շահեր եւ մեր նպատակը միասնական է»: Քննարկվել են ՔԱԿ-ի դեմ համատեղ պայքար մղելու, ՆԱՏՕ-ի առաջիկա գագաթաժողովի հետ կապված խնդիրներ: Կողմերը խոսել են նաեւ ղարաբաղյան հիմնախնդրի վերաբերյալ: Նրանք հայտարարել են, որ պատրաստ են օգնել ղարաբաղյան հակամարտության կարգավորման գործընթացին: