Ստեփանակերտի ու Շուշիի 16 դպրոցների տարրական դասարանների բոլոր աշակերտներն ու ուսուցiչները մինչև տարեվերջ անվճար կստանան հատուկ ուսումնական նպատակով ստեղծված նոութբուքներ: Ըստ PCNews-ի` «Ֆրութֆուլ Արմենիա» համաժողովի ընթացքում «ՆՈՒՌ» (Նոր ուսումնական ռազմավարություն) ծրագրի ղեկավար Սեբաստիան Արիաս Դուվալը հայտնել է, որ բոլոր դպրոցները, որոնք ներառված են ծրագրում, կապահովվեն անվճար wifi ինտերնետ կապով:
Դուվալի խոսքով՝ այժմ ընթանում են ուսուցիչների վերապատրաստման աշխատանքներ, որպեսզի նրանք պատրաստ լինեն աշխատել հատուկ համակարգիչներով: XO նոութբուքներում տեղադրված են տարրական դասարանների ուսումնական ծրագրերն ու դասագրքերը՝ թվայնացված տեսքով:
Նշենք, որ ծրագիրը շարունակական բնույթ կկրի ու աստիճանաբար կընդգրկի Արցախի բոլոր դպրոցները:
