Այսօր «Արմատ» ակումբում հյուրընկալվել էին «Մաքրենք պապիկ-տատիկի արձանը» քաղաքացիական նախաձեռնության կազմակերպիչներ Կարեն Առուստամյանը, Արմեն Սարգսյանը, Արմեն Ռամազյանը: Վերջիններս ասացին, որ իրենց առաջին քայլը Հայկի արձանի լվացումն էր: Անդրադառնալով «Մաքրենք պապիկ տատիկի արձանը»-ին` Կ. Առուստամյանը նշեց, որ սա մի խումբ երիտասարդների նախաձեռնությունն է:
«Չենք ներկայացնում որևէ քաղաքական ուժ կամ կուսակցություն»,- ասաց նա: Առուստամյանի խոսքով` իրենց երկրորդ քայլն արձանը մաքրելն է: Ըստ Արմեն Սարգսյանի` սա յուրահատուկ ձև է` ընկերներ գտնելու, համախմբվելու համար: Հովանավորները կաջակցեն միայն երեսուն մարդու տեղափոխմանը: Նրանք տրամադրել են ավտոբուսներ, գիշերային օթևան: Արձագանքել է ԱԺ նախագահ Հովիկ Աբրահամյանը: «Նախատեսում ենք շաբաթ գնալ, կիրակի հետ գալ, քանի որ ճանապարհը երկար է»,- նշեց նա:
Երիտասարդները ճանապարհ կընկնեն այս շաբաթ օրը: Այս անգամ ևս նրանց հետ կլինի մշակույթի նախարարության ներկայացուցիչը, ով ուղղություն կտա իրենց: «Նախատեսում ենք, որ մաքրենք արձանն ու տարածքը` քսան երեսուն մետր շառավղով»,- հավելեց Արմեն Առուստամյանը:
