Ամերիկայի հայկական թանգարանը հայտարարություն է տարածել՝ նվիրված Հայոց ցեղասպանության 109-րդ տարելիցին։
Հայտարարության մեջ նշվում է, որ Հայոց ցեղասպանությունը հայ ժողովրդի ֆիզիկական և մշակութային բնաջնջման փորձն էր իր պապենական հայրենիքից:
«Օսմանյան թուրքերի կողմից հայ ազգի այս դաժան սպանությունը 20-րդ դարի առաջին ցեղասպանությունն է Նրանք, ովքեր իրականացրել են ոճրագործությունը, երբեք պատասխանատվության չենթարկվեցին, իսկ թուրքական հաջորդ կառավարությունները հերքում են Հայոց ցեղասպանությունը, որը սկսվել է 1915 թվականի ապրիլի 24-ին։
Միջազգային հանրության կողմից այս էպիկական ողբերգությանը վճռական պատասխան չտալը խրախուսում է այլ վարչակարգերին նմանատիպ մարդասպան արշավներ իրականացնել, և դա Հոլոքոստի նախապատմությունն էր: Մենք ականատես ենք եղել 2020-2024 թվականներին Արցախում Ցեղասպանության շարունակականությանը, որտեղ Ադրբեջանը էթնիկ զտումների և մշակութային ջնջման քաղաքականություն է իրականացնում։ Հայկական պատմությունը գոյատևման և տոկունության պատմություն է, մինչդեռ միևնույն ժամանակ ցեղասպանության հանցագործության կանխարգելումն ու պատիժը մնում են մարտահրավեր բոլոր մարդկանց համար, ովքեր հավատում են մարդու իրավունքների և արդարության վրա հիմնված աշխարհին»,- նշվում է հայտարարության մեջ։
