ԱՄՆ նախագահ Բարաք Օբաման մտադիր է ավելացնել այն ամերիկացիներից գանձվող հարկերը, ում տարեկան եկամուտը գերազանցում է 1 միլիոն դոլարը:
Ավելի վաղ Կոնգրեսը սկսել էր նոր աշխատատեղեր ստեղծելու մասին օրինագծի քննարկումները: Ինչպես նշում է BBC-ն, աշխատատեղեր բացելու համար անհրաժեշտ 447 միլիարդ դոլարը նախագահը մտադիր է ստանալ նախևառաջ հարուստ ամերիկացիներից գանձվող հավելյալ հարկերից: Այս կապակցությամբ նախագահի ելույթը նախատեսվում է վաղը` սեպտեմբերի 19-ին: Հանրապետականները նշել են, որ դեմ են լինելու հարկերի ցանկացած բարձրացմանը:
Հիշեցնենք, որ աշխատատեղերի բացմանն ուղղված նախագահի ծրագրի մասին նախորդ շաբաթ հայտնել էր Սպիտակ տան ներկայացուցիչը:
