Ադրբեջանի ԱԳՆ-ն հայտարարություն է տարածել՝ մեղադրելով ԵՄ բարձր ներկայացուցիչ և դիվանագիտության ղեկավար Ժոզեպ Բորելին պրոհայկական դիրքորոշման ու Ադրբեջանի հանդեպ մեղադրանքների համար։ ԱԳՆ–ն պախարակել է նաև ԵՄ մանդատով հանդես եկող դիտորդական առաքելությանը։
Հայտարարությունում, մասնավորապես, ասվում է. «Միաժամանակ, ևս մեկ անգամ ցանկանում ենք ընդգծել, որ ափսոսանք է պատճառում Եվրամիության բարձրագույն ներկայացուցչի՝ զինված ուժերի դուրսբերման վերաբերյալ առաջարկը, որը գործնական նշանակություն չունի։ ԵՄ կողմը պետք է հաշվի առնի, որ Հայաստանի կողմից սահմանամերձ շրջաններում «ԵՄ առաքելության պաշտպանության» անվան ներքո տեղակայված վարձկանները վտանգ են ներկայացնում ադրբեջանական զինվորականների և քաղաքացիական բնակչության կյանքին։
Կրկին ափսոսանքով նշում ենք, որ, չնայած Եվրոխորհրդի նախագահի խաղաղասիրական նախաձեռնություններին, արտաքին հարաբերությունների և անվտանգության քաղաքականության գերագույն ներկայացուցիչ Ժոզեպ Բորելը միակողմանի հայանպաստ դիրքորոշում է որդեգրել, անջրպետել Ադրբեջանի և Եվրամիության կառույցների միջև և, արդյունքում, իրեն լիովին մեկուսացնում է Ադրբեջանի և Հայաստանի հարաբերությունների կարգավորման գործընթացից»։
