Գավառի ընդհանուր աղբավայրում իրականացվում են մաքրման և հողածածկման աշխատանքներ

Արդեն մի քանի օր է, ինչ մաքրման և հողածածկման աշխատանքներ են ընթանում Գավառ համայնքի ընդհանուր աղբավայրում:

Ինչպես տեղեկացանք Գավառի համայնքապետարանի աշխատակազմից,

աշխատանքներն իրականացվում են Գավառի համայնքապետարանի ֆինանսավորմամբ և նախաձեռնությամբ, իսկ վերահսկողությունն իրականացվում է «Գավառ համայնքի կոմունալ սպասարկում և բարեկարգում» հիմնարկի կողմից:

Աղբավայրի տարածքն ընդգրկում է շուրջ 3 հեկտար տարածք, որտեղից աղբը լցվում է հարակից ձորը և ծածկվում հողաշերտով:

Գավառի ընդհանուր աղբավայր օրական կատարվում է միջին հաշվարկով 20 երթուղի:

Աղբավայր է տեղափոխվում Գավառ քաղաքի և համայնքի 11 բնակավայրերի աղբը:

Գեղարքունիքի մարզպետի աշխատակազմի Տարածքային կառավարման և տեղական ինքնակառավարման հարցերի վարչության տվյալներով՝ 2023 թվականին Գավառ համայնքում աղբահանության սակագինը ֆիզիկական անձանց համար սահմանվել է 200 դրամ, աղբահանության համար պլանավորվել է 62 միլիոն 673 հազար դրամ, հավաքագրված գումարը կազմել է 51 միլիոն 696 հազար դրամ, որից 42 միլիոն 699 հազար դրամը վճարել են ֆիզիկական, 8 միլիոն 997500 դրամը՝ իրավաբանական անձինք։ Գավառի աղբավայրի շահագործման վրա կատարված ծախսը կազմել է 2 միլիոն 634 հազար դրամ։