«Ազատություն» ռադիոկայանի ռուսական ծառայության փոխանցմամբ՝ Ռուսաստանի փոխարտգործնախարար Գրիգորի Կարասինն այսօր Մոսկվայում ընդունել է Հարավային Կովկասում ԵՄ ներկայացուցիչ Ֆիլիպ Լեֆորտին։ Այս հանդիպումը կայացել է վերջինիս խնդրանքով։
Ռուսաստանի ԱԳՆ-ի մամլո ծառայությունը հայտնել է, որ հանդիպման ժամանակ կողմերը մտքեր են փոխանակել կովկասյան խնդիրների մասին՝ ներառյալ նաև Ժնևյան քննարկումներում ԵՄ համանախագահության հարցը։ Քննարկվել է նաև ղարաբաղյան հակամարտության կարգավորման հարցը։
Հիշեցնենք, որ Լեֆորտը նախորդ շաբաթ այցելել է Հարավային Կովկաս, այդ թվում՝ նաև Հայաստան։