Առնվազն 13 մարդ է զոհվել Իսպանիայի հարավ-արևելքում գտնվող Մուրսիա քաղաքի գիշերային ակումբում բռնկված հրդեհի հետևանքով:
Հրդեհը բռնկվել է Theatre հայտնի գիշերային ակումբում՝ տեղական ժամանակով առավոտյան ժամը 6-ի սահմաններում:
Տեղական ԶԼՄ-ները հայտնել են, որ զոհվածների թվում եղել են ծննդյան օրը նշող նույն ընտանիքի մի քանի անդամներ:
Ոստիկանությունը հայտնել է, որ առնվազն 14 մարդ դեռևս անհայտ կորած է համարվում, ուստի շատ հավանական է, որ մահերի թիվը կավելանա:
Հրդեհից 15 ժամ անց դեռ հայտնի չէ, թե կոնկրետ ինչն է դրա պատճառը, սակայն Մուրսիայի քաղաքապետ Խոսե Բալեստան լրագրողներին հայտնել է, որ հրդեհը բռնկվել է ակումբի երկրորդ հարկում: Նա նաև քաղաքում եռօրյա սուգ է հայտարարել։
