Էրդողանի ծրագրերում կա երկու տարբերակ՝ ՀՀ վրա ճնշումներով միջանցք ստանալ կամ դիմել Ադրբեջանին ու ռազմական ճանապարհով ստանալ։ «Առաջին լրատվական»-ի հետ զրույցում նշեց թուրքագետ Ռուբեն Սաֆրաստյանը։
Սաֆրաստյանի խոսքով՝ Թուրքիան գլոբալ խաղացող է ուզում դառնալ. «Թուրքիային անհրաժեշտ է, որ իր հետևում ունենա ոչ միայն Ադրբեջանը, այլ նաև թուրքական երկրների կազմակերպությունը։ Թուրքիային Զանգեզուրի միջանցքը պետք է հենց այդ գլոբալ խաղի համար։ Թուրքերն ու ադրբեջանցիները կխուսափեն ռազմական գործողությունից, մանավանդ, որ ԱՄՆ-ին տված խոստումը Արցախով դրժեց։ ԱՄՆ-ն ճնշեց Ադրբեջանին, որը հրապարակային խոստում տա, որ ռազմական գործողության չի գնա։ Եթե խաղաղ ճնապարհով չստացվի Զանգեզուրի միջանցքի հարցը, Թուրքիան ու Ադրբեջանը կդիմեն սադրանքի»։ Թուրքագետը կարծում է, որ մոտենում ենք մի կետի, որտեղ պետք է հետագա ռազմավարության որոշումներ ընդունվեն. «Մեր կարևորը որոշումները կախված են ՀՀ ներքին վիճակից»։
