ԱՄՆ-ն և Արևմուտքը հասկանում են՝ Հայաստանին վտանգ է սպառնում, հարցը չի ավարտվել: «Առաջին լրատվական»-ի հետ զրույցում նշեց ԱՄՆ Նևադայի համալսարանի պրոֆեսոր, քաղաքական գիտությունների դոկտոր Ներսես Կոպալյանը։
Կոպալյանի խոսքով՝ 30 տարի եղել ենք գաղութ մի երկրի, որը չարաշահել ու կործանել է մեր կարողությունները. «Արևմուտքն ու ԱՄՆ-ն չեն լինելու մեր փրկիչը, կախվածության տրամաբանությունը երբեք չի բերել դրական արդյունք։ Հայաստանը պարտվել է, պետք է ընդունել այս իրավիճակի հետևանքը։ Պետք է գիտակցել՝ այն ինչ սպասում ենք միջազգային համայնքից, այնտեղ եղել է հակասություն։ Այսօր միջազգային համայնքում դրված է Հայաստանի տարածքային ամբողջականության հարցը, ոչ թե Արցախը։ Արցախի հարցով միջազգային համայնքի մոտեցումն էր՝ Հայաստանը չունի այն ռեսուրսը, որ պայքարի Ադրբեջանի դեմ»։
Կոպալյանը կարծում է, որ Արցախի սառեցված հակամարտությունից հետո ռուս-ադրբեջանական տանդեմը նոր հակամարտություն է ստեղծում. «ՌԴ-ի տեսանկյունից Հրվ. Կովկասը իր կարևորությունը կորցնում է, եթե կորցնում է Երևանը։ Հայաստանը հետ բերելու համար ՌԴ-ն մատաղ արեց Արցախը Ադրբեջանին։ ԱՄՆ-ն և Արևմուտքը հիմա ամեն ինչ անում են, որ Ռուսաստանի ու Ադրբեջանի երկրորդ ծրագիրը չիրականացվի»։
