Երեկ՝ սեպտեմբերի 23-ին, խոշոր ավտովթար է տեղի ունեցել Երևանում։ Ժամը 23։50-ի սահմաններում Երևանի բնակիչ, 34-ամյա Երվանդ Կոշկոշյանը իր վարած Audi Q7 մակնիշի ավտոմեքենայով Ադոնցի փողոցում դուրս է եկել ճանապարհի երթևեկելի գոտուց, բախվել տրանսպորտային կանգառի համար նախատեսված ցուցանակին, ապա հայտնվել հետիոտնի համար նախատեսված մայթին՝ բախվելով պատին և երկաթե էլեկտրասյանը։
Ինչպես հայտնում է shamshyan.com-ը, ըստ նախնական տեղեկությունների՝ բարեբախտաբար տուժածներ չկան։ Դեպքի վայր են ժամանել ՀՀ Ներքին գործերի նախարարության Ոստիկանության Պարեկային ծառայության Երևան քաղաքի գնդի 1-ին գումարտակի 2-րդ վաշտի պարեկները՝ վաշտի հրամանատար Գարիկ Վարոսյանի գլխավորությամբ։
Վթարի փաստով ՊԾ Երևան քաղաքի գնդում փաստաթղթեր են ձևակերպվում։ Վարորդը ենթարկվել է սթափության փորձաքննության․ եղել է սթափ։
Ֆոտոլրագրողի տեղեկություններով՝ վարորդը պարեկներին հայտնել է, որ վթարի պատճառը եղել է իր ավտոմեքենայի առաջ հայտնված թափառական շունը և որպեսզի շանը չհարվածի, փախցրել է ավտոմեքենան, ապա չի կարողացել կառավարել այն, ինչից հետո տեղի է ունեցել վթարը։
