Դարֆուրի «Հանուն արդարության և հավասարության շարժում» ռազմականացված կազմակերպության ղեկավար Խալիլ Իբրահիմը, ով Լիբիայում կռվում էր ընդդեմ ապստամբների, վերադարձել է Սուդան: Այս մասին հայտնում է BBC-ն:
Սուդանի իշխանությունները Իբրահիմին մեղադրում են քաղաքացիական պատերազմի ժամանակ ցեղասպանություն իրականացնելու մեջ: 3 տարի առաջ կառավարությունը նրան հանձնելու դիմաց առաջարկում էր 246 միլիոն դոլար պարգևատրություն:
2010թ-ին ռազմականացված կազմակերպության և օրինական իշխանությունների միջև զինադադար էր կնքվել, որը, սակայն, շուտով խախտվել էր գրոհայինների կողմից, ինչից հետո Իբրահիմն իր կողմնակիցների հետ փախուստի էր դիմել Լիբիա: Սուդանի իշխանությունները բազմիցս խնդրել էին Մուամար Քադաֆիին իրենց հանձնել գրոհայիններին, սակայն միշտ մերժում էին ստացել, ինչի դիմաց Լիբիայում քաղաքացիական պատերազմի ժամանակ սուդանցի գրոհայինները կռվում էին Քադաֆիի համար:
BBC-ն` հղում անելով Խալիլ Իբրահիմի խոսքերին, հայտնում է, որ սահմանն անցնելուց հետո Սուդանի իշխանությունները փորձել են ձերբակալել իրեն, սակայն դա նրանց չի հաջողվել: