Ուղևորությունների պլանավորումն ավելի հարմար և արդյունավետ կդառնա. Yandex Go-ն այսօրվանից Հայաստանում գործարկել է արժեքի ինդեքս: Այն ոչ միայն ցույց կտա տվյալ պահին պահանջարկի մակարդակը, այլև գների օրինաչափ տատանումն օրվա ընթացքում։
Հավելվածում հայտնվել է հատուկ գրաֆիկ, որն օգնում է որոշում կայացնել՝ արժե՞ հենց հիմա մեքենա պատվիրել, թե՞ ընդհակառակը՝ մի քիչ սպասել ՝ պիկ ժամից խուսափելու և գումար խնայելու համար:
Այսպիսի գրաֆիկ կազմելու համար ալգորիթմը միանգամից մի քանի կարևոր ցուցիչների տվյալներ է համեմատում։ Այն վերլուծում է մերձակայքում գտնվող ազատ մեքենաների քանակը և այդ երթուղով ուղևորության արժեքն անցած չորս շաբաթվա ընթացքում։ Ժամանակահատվածը պատահական չէ ընտրված․ այս օրերի ընթացքում գնահատման համար բավարար տվյալներ են հավաքագրվում։ Միևնույն ժամանակ, որպես կանոն, եղանակային և ճանապարհային պայմաններն են լինում միանման։ Եթե ուղևորության արժեքը սովորականից բարձր է կամ ցածր, հավելվածը դա ևս կնշի՝ ցույց տալով, թե կոնկրետ որ գործոններն են ազդել դրա վրա:
Yandex Go-ում կան տեխնոլոգիաներ, որոնք թույլ են տալիս խնայել նույնիսկ բարձր պահանջարկի դեպքում: Օրինակ՝ ալգորիթմը կարող է առաջարկել ուղևորության ավարտից հետո մի քանի րոպե քայլել դեպի վերջնական հասցե:
