Թուրքական Doğan լրատվական գործակալության փոխանցմամբ՝ երեկ Վանի Աղթամար կղզում գտնվող Սուրբ Խաչ եկեղեցում տեղի ունեցած 2-րդ պատարագի ժամանակ մի խումբ թուրք ազգայնականներ Վանա լճի ափին բողոքի ցույց են կազմակերպել։
Ափին կանգնած մոտ 10 թուրքեր պարզել են կրոնական բնույթի պաստառներ և Թուրքիայի ու Ադրբեջանի դրոշները։ Նրանք նաև ցանկացել են նավակով գնալ կղզի, սակայն ոստիկանությունը կանխել է նրանց։
Վանի ազգայնականները հայտարարել են, որ Առաջին համաշխարհային պատերազմի ժամանակ հայ կամավորական ջոկատները «սպանել» են հազարավոր մուսուլմանների՝ իրենց համար որպես «շտաբ» գործածելով Աղթամարի եկեղեցին։
