ՌԴ նախագահ Վլադիմիր Պուտինը խորհրդակցություն է անցկացնում վաղ առավոտյան անօդաչու թռչող սարքերի կողմից հարձակման ենթարկված Ղրիմի կամրջի հետ կապված իրավիճակի շուրջ։
«Անհրաժեշտ է անհրաժեշտ օգնություն ցուցաբերել կամրջի վրա տեղի ունեցած ահաբեկչությունից տուժած աղջկան և նրա հարազատներին։ Ղրիմի կամրջի վերականգնման աշխատանքները պետք է հնարավորինս արագ սկսել»,- նշել է նա։
Վլադիմիր Պուտինը հանձնարարել է մանրամասն ուսումնասիրել Ղրիմի կամրջի վրա տեղի ունեցածը։ Նա «լավ լուր» է անվանել այն հանգամանքը, որ Ղրիմի կամրջի սյուները չեն վնասվել։
«Ղրիմի կամրջի վրա Կիևի ռեժիմի հարձակումը ռազմական տեսանկյունից ոչ միայն անիմաստ էր, այլև դաժան, քանի որ զոհվեցին անմեղ քաղաքացիներ։ Ռուսաստանը կպատասխանի Ղրիմի կամրջի վրա տեղի ունեցած ահաբեկչությանը, ՊՆ-ն առաջարկներ է պատրաստում»,- նշել է ՌԴ նախագահը։
Պուտինը մեղադրել է Կիևին Ղրիմի կամրջի վրա ծովային անօդաչու սարքերի հարձակման համար։ Նա շեշտել է, որ իրավիճակը «ընդհանուր առմամբ պարզ է»։
