Ռուսաստանի նախագահ Վլադիմիր Պուտինը նախազգուշացրել է, որ Ռուսաստանի Դաշնությունը իրեն իրավունք է վերապահում օգտագործել կասետային զինամթերք՝ ի պատասխան Ուկրաինայի կողմից դրանց օգտագործման։
Այս մասին գրում է ТАСС լրատվական գործակալությունը։
«Ռուսաստանում կա տարբեր տեսակի կասետային զինամթերքի բավարար պաշար, տարբեր տեսակի, մինչև հիմա մենք դա չենք արել, չենք օգտագործել և նման անհրաժեշտություն չենք ունեցել։ Բայց, իհարկե, եթե դրանք (կասետային զինամթերք) կիրառվեն մեր դեմ, մենք մեզ իրավունք ենք վերապահում հայելային գործողությունների»,-ասել է պետության ղեկավարը։
Պուտինը վստահ է, որ կասետային զինամթերքի մատակարարումն Ուկրաինա և դրանց օգտագործումը պետք է համարել հանցագործություն։
«Ինչ վերաբերում է կասետային զինամթերքին, ապա ԱՄՆ վարչակազմն ինքը որոշ ժամանակ առաջ իր աշխատակիցների բերանով գնահատական տվեց այդ զինամթերքին, երբ կասետային ռազմամթերքի օգտագործումը հենց ԱՄՆ վարչակազմի կողմից որակվեց որպես հանցագործություն։ Կարծում եմ՝ մենք էլ դրան այսպես պետք է վերաբերվենք»,- ասել է Պուտինը։
