Ներքին գործերի նախարարության և Քննչական կոմիտեի հետ համատեղ կանխվել է ուկրաինական հատուկ ծառայությունների կողմից «Россия Сегодня» և RT հեռուստաալիքի գլխավոր խմբագիր Մարգարիտա Սիմոնյանի սպանության նախապատրաստումը։ Այս մասին հայտարարել է ՌԴ ԱԴԾ-ն:
Բացի այդ, ծրագրված էր Քսենյա Սոբչակի սպանությունը։
Մոսկվայում և Ռյազանի մարզում ձերբակալվել են «Պարագրաֆ-88» խմբավորման նեոնացիստներ, որոնք հետախուզություն են իրականացրել Սիմոնյանի և Սոբչակի աշխատանքի և բնակության հասցեներում: Ձերբակալվածներից առգրավվել է Կալաշնիկովի ինքնաձիգ՝ փամփուշտներով, ռետինե մահակներ, դանակներ և ձեռնաշղթաներ:
Ձերբակալվածները հաստատել են, որ մահափորձեր են նախապատրաստել Ուկրաինայի հատուկ ծառայությունների հանձնարարությամբ՝ յուրաքանչյուր սպանության համար 1,5 մլն ռուբլի վարձատրության դիմաց։
